லைவ்: ஆசிய விளையாட்டு - 10,000 மீட்டர் ஓட்டப்பந்தயத்தில் வெள்ளி மற்றும் வெண்கலம் வென்றது இந்தியா

கோல்ப்:

கோல்ப் பெண்கள் குழு பிரிவின் ரவுண்ட் 3 சுற்றில் இந்தியா முதல் இடத்தில் உள்ளது. நாளை நடைபெற உள்ள பதக்க போட்டியில் இந்தியா பதக்கம் வெல்ல அதிக வாய்ப்பு உள்ளது. இந்திய கோல்ப் பெண்கள் குழு பிரிவில் அதிதி அசோக், அவானி பிரசாந்த், பிரவனி ஆகியோர் இடம் பெற்றுள்ளனர்.

பதக்க பட்டியலில் 4ம் இடத்தில் இந்தியா...!

ஆசிய விளையாட்டு போட்டியில் 8 தங்கம், 13 வெள்ளி, 13 வெண்கலம் என மொத்தம் 34 பதக்கங்களுடன் இந்தியா பதக்க பட்டியலில் 4ம் இடத்தில் உள்ளது.

துப்பாக்கி சுடுதல்:

துப்பாக்கி சுடுதல் 10 மீட்டர் ஏர் பிஸ்டல் கலப்பு குழு பிரிவில் இந்தியா வெள்ளிப்பதக்கம் வென்றது. இந்தியா - சீனா இடையே நடந்த இப்போட்டியில் 16-14 என்ற புள்ளிக்கணக்கில் வெற்றிபெற்ற சீனா தங்கப்பதக்கம் வென்றது. போட்டியில் தோல்வியடைந்த இந்தியா 2ம் இடம் பிடித்து வெள்ளிப்பதக்கம் வென்றது. இந்தியாவின் சரப்ஜோத் சிங், திவ்யா இணை வெள்ளிப்பதக்கம் வென்றனர்.

கேனோ ஸ்பிரிண்ட்:

கேனோ ஸ்பிரிண்ட் ஆண்கள் கேனோ 1000 மீட்டர் ஹீட்ஸ் பிரிவில் இந்திய வீரர் நிராஜ் வர்மா அரையிறுதி சுற்றுக்கு முன்னேறினார்.

தடகளம்:

தடகளம் பெண்கள் ஹெப்டத்லான் உயரம் தாண்டுதல் போட்டியில் பதக்க சுற்றுக்கு செல்லும் வாய்ப்பை இந்திய வீராங்கனை ஸ்வப்ணா பெர்மன் இழந்தார்.

கேனோ ஸ்பிரிண்ட்:

கேனோ ஸ்பிரிண்ட் பெண்கள் கயக் டபுள் 500 மீட்டர் ஹீட்ஸ் 2 பிரிவில் இந்தியாவின் பினிதா, பார்வாதி கீதா இணை 4ம் இடம் பிடித்தது. இதன் மூலம் இப்போட்டியின் அரையிறுதி சுற்றுக்கு இந்தியா தகுதி பெற்றது.

தடகளம்:

தடகளம் ஆண்கள் நீளம் தாண்டுதல் தகுதி சுற்று போட்டியில் இந்திய வீரர் ஜெஸ்வின் அல்ட்ரின் 7.67 மீட்டர் தூரம் தாண்டினார். இதன் மூலம் அவர் இறுதி சுற்றுக்கு தகுதி பெற்றார்.

குராஷ்:

குராஷ் பெண்கள் 52 கிலோ ரவுண்ட் ஆப் 32 பொண்ட் 7 பிரிவில் நடந்த போட்டியில் 8-3 என்ற புள்ளி கணக்கில் இந்திய வீராங்கனை சுஜிகாவை வீழ்த்தி பிலிப்பைன்ஸ் வீராங்கனை ஷார்மியா வெற்றிபெற்றார்.

குராஷ் பெண்கள் 52 கிலோ ரவுண்ட் ஆப் 32 பொண்ட் 10 பிரிவில் நடந்த போட்டியில் துர்க்மெனிஸ்தான் வீராங்கனையை 5-0 என்ற புள்ளி கணக்கில் வீழ்த்தி இந்திய வீராங்கனை பின்கி பல்ஹரா வெற்றிபெற்றார்.

குராஷ் ஆண்கள் 66 கிலோ ரவுண்ட் ஆப் 16 பொண்ட் 4 பிரிவில் நடந்த போட்டியில் இந்திய வீரர் கேசவ்-ஐ 10-0 என்ற புள்ளி கணக்கில் வீழ்த்தி தென்கொரிய வீரர் ஜெடியொக் வெற்றிபெற்றார்.

குராஷ் பெண்கள் 52 கிலோ ரவுண்ட் ஆப் 16 பொண்ட் 5 பிரிவில் தென்கொரிய வீராங்கனையை 5-3 என்ற புள்ளி கணக்கில் வீழ்த்தி இந்திய வீராங்கனை பின்கி பல்ஹரா அபார வெற்றிபெற்றார்.

தடகளம்:

தடகளம் ஆண்கள் 1500 மீட்டர் ஓட்டம் ஹீட் 1 சுற்றில் இந்திய வீரர் அஜய் குமார் சரோஜ் 2ம் இடம் பிடித்தார். அதேபோல், மற்றொரு இந்திய வீரர் ஜின்சன் ஜான்சன் 5ம் இடம் பிடித்தார். இதன் மூலம் இப்போட்டியில் இறுதி சுற்றுக்கு அஜய் குமார், ஜின்சன் ஜான்சன் முன்னேறினர்.

ரோலர் ஸ்கேட்டிங்:

ரோலர் ஸ்கேட்டிங் பெண்கள் ஸ்பீட் ஸ்கேட்டிங் 10 ஆயிரம் மீட்டர் இறுதிப்போட்டியில் இந்தியாவின் ஆரதி கஸ்தூரி ராஜ் 5ம் இடத்தையும், ஹிரல் ஷது 7ம் இடத்தையும் பிடித்தனர்.