ஆசிய விளையாட்டு போட்டிகள்: இந்தியாவுக்கு மேலும் ஒரு தங்கம்...!
துப்பாக்கி சுடுதலில் வெள்ளிப்பதக்கம் வென்ற ரமிதா, மெகுலி கோஷ், ஆஷி ஆகியோர் பதக்கத்துடன் உற்சாகமாக போஸ் கொடுக்கிறார்கள்.
ஆசிய விளையாட்டு தொடரில் இந்திய பெண்கள் கிரிக்கெட் அணி தங்கம் வென்றுள்ளது.
ஹாங்சோவ்,
ஆசிய விளையாட்டு போட்டிகள்: பதக்க பட்டியலில் 6வது இடத்திற்கு முன்னேறிய இந்தியா...!
ஆசிய விளையாட்டு போட்டிகளில் பதக்க பட்டியலில் இந்தியா 6வது இடத்திற்கு முன்னேறியுள்ளது. 2 தங்கம், 3 வெள்ளி, 6 வெண்கலம் என மொத்தம் 11 பதக்கங்களுடன் பட்டியலில் 6ம் இடத்திற்கு இந்தியா முன்னேறியுள்ளது.
ஆசிய விளையாட்டு தொடரில் துடுப்பு படகு போட்டியில் 2 வெள்ளி, 3 வெண்கலம் பதக்கங்களையும், துப்பாக்கி சூடுதல் போட்டியில் 1 தங்கம், 1 வெள்ளி, 3 வெண்கலம் பதக்கங்களையும், கிரிக்கெட் போட்டியில் 1 தங்கப்பதக்கம் என மொத்தம் 11 பதக்கங்களை வென்றுள்ள இந்தியா பதக்க பட்டியலில் 6ம் இடத்தில் உள்ளது.
Live Updates
- 25 Sept 2023 7:57 AM IST
நான்கு பேர் கொண்ட துடுப்பு படகு போட்டியில் இந்திய அணி வெண்கல பதக்கம் வென்றுள்ளது.
- 25 Sept 2023 7:51 AM IST
சாதனை படைத்த இந்தியா !
துப்பாக்கி சுடுதல் Series 6: 10 மீட்டர் ஏர் ரைபிள் பிரிவில் இந்தியா புதிய சாதனை படைத்தது. 1893.7 புள்ளிகள் பெற்று இந்தியா இந்த சாதனையை நிகழ்த்தியுள்ளது. கடந்த ஆகஸ்ட் 19- ஆம் தேதி பாகுவில் நடைபெற்ற உலக சாம்பியன்ஷிப் தொடரில் சீனா வைத்த ரெக்கார்ட் ஆன 1893.3 புள்ளிகள் என்பதை இந்தியா இன்று முறியடித்துள்ளது.
1.India: 1893.7
2. Korea: 1890.1
3. China: 1888.2
- 25 Sept 2023 7:21 AM IST
10 மீட்டர் ஏர் ரைபிள் பிரிவு பதக்கத்திற்கான போட்டியில் 4 சுற்றுகளின் முடிவில் இந்தியா 3-வது இடத்தில் உள்ளது. கொரியா மற்றும் சீனாவுக்கு அடுத்த இடத்தில் இந்தியா உள்ளது. இந்தியா பதக்கத்தை அறுவடை செய்யுமா? என்ற எதிர்பார்ப்பு ஏற்பட்டுள்ளது.
- 25 Sept 2023 7:06 AM IST
ஆசிய விளையாட்டு போட்டியில் நேற்று 5 பதக்கங்களை இந்தியா வென்ற நிலயில், இன்றும் பதக்க வேட்டையை தொடருமா என்ற எதிர்பார்ப்பு ஏற்பட்டுள்ளது.
- 25 Sept 2023 6:32 AM IST
ஆண்களுக்கான துப்பாக்கி சுடுதல் போட்டி: 10 மீட்டர் ஏர் ரைபிள் பிரிவு காலை 6.30 மணி முதல் நடைபெற்று வருகிறது. இதில் இந்திய அணி சார்பில், ருத்ரன்க்ஷ் பாட்ட்டீல், ஐஸ்வாரி பிரதாப் சிங் தோமர், திவ்யன்ஷ் சிங் பன்வார் ஆகியோர் விளையாடுகிறார்கள்.
- 25 Sept 2023 6:29 AM IST
ஜிம்னாஸ்டிக்ஸ்: மகளிர் தகுதி சுற்று சப் டிவிஷன் 1 பிரிவு ஆட்டம் இன்று காலை 7.30 மணிக்கு நடைபெறுகிறது. இந்தியா சார்பில் பிரணதி நாயக் பங்கேற்கிறார். இவர் 2019 ஆசிய சாம்பியன்ஷிப் தொடரில் வெண்கலப் பதக்கம் வென்றவர்.
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
