ஜூனியர் தெற்காசிய பெண்கள் கால்பந்து; தொடக்க ஆட்டத்தில் பூடானை வீழ்த்திய இந்தியா

காத்மாண்டு,

16 வயதுக்கு உட்பட்டவர்களுக்கான தெற்காசிய பெண்கள் கால்பந்து சாம்பியன்ஷிப் போட்டி நேபாளத்தில் உள்ள லலித்புரில் நேற்று தொடங்கியது. 4 அணிகள் பங்கேற்றுள்ள இந்த போட்டியின் தொடக்க லீக் ஆட்டத்தில் முன்னாள் சாம்பியனான இந்திய அணி, பூடானை சந்தித்தது.

இதில் கோல் மழை பொழிந்த இந்தியா 7-0 என்ற கோல் கணக்கில் பூடானை வீழ்த்தியது. இந்திய அணியில் அனுஷ்கா குமாரி 'ஹாட்ரிக்' கோலும் (17, 27, 40-வது நிமிடம்), பியர்ல் பெர்னாண்டஸ் 2 கோலும் (13, 26-வது நிமிடம்), ஸ்வேதா ராணி (6-வது நிமிடம்), மாற்று வீராங்கனையாக களம் கண்ட தமிழகத்தை சேர்ந்த அன்விதா ரகுராமன் (61-வது நிமிடம்) தலா ஒரு கோலும் அடித்தனர்.

இந்திய அணி தனது அடுத்த லீக் ஆட்டத்தில் வருகிற 5-ந் தேதி வங்காளதேசத்தை எதிர்கொள்கிறது.