ஐ.எஸ்.எல். கால்பந்து: ஒடிசாவை வீழ்த்தி கோவா அணி வெற்றி

கோவா,

12 அணிகள் இடையிலான 10-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி இந்தியாவின் பல்வேறு நகரங்களில் நடந்து வருகிறது. இதில் இன்று மாலை கோவாவில் உள்ள நேரு ஸ்டேடியத்தில் நடைபெற்ற லீக் ஆட்டத்தில் எப்.சி. கோவா-ஒடிசா எப்.சி. அணிகள் மோதின.

இந்த போட்டியில் எப்.சி. கோவா அணி சார்பில் நோவா ஆட்டத்தின் 55-வது நிமிடம் மற்றும் 68-வது நிமிடத்தில் இரண்டு கோல்கள் அடித்தார். ஜே குப்தா ஆட்டத்தின் 90+6-வது நிமிடத்தில் ஒரு கோல் அடித்தார். ஒடிசா எப்.சி. அணி சார்பில் மோர்டாடா ஆட்டத்தின் 6-வது நிமிடம் மற்றும் 81-வது நிமிடத்தில் இரண்டு கோல்கள் அடித்தார்.

இந்த நிலையில் ஆட்டநேர முடிவில் எப்.சி. கோவா அணி 3-2 என்ற கோல் கணக்கில் ஒடிசா எப்.சி. அணியை வீழ்த்தி வெற்றி பெற்றது.