ஐசிசியின் ஜூன் மாதத்திற்கான சிறந்த வீரர் விருது - பரிந்துரை பெயர் பட்டியலில் இடம் பெற்ற ஜிம்பாப்வே வீரர்...!

துபாய்,

சர்வதேச கிரிக்கெட் கவுன்சில் (ஐசிசி) ஒவ்வொரு மாதமும் சிறந்த கிரிக்கெட் வீரர் மற்றும் வீராங்கனையை தேர்வு செய்து கவுரவித்து வருகிறது. இந்நிலையில் ஜூன் மாதத்திற்கான சிறந்த வீரர் மற்றும் வீராங்கனைகளை தேர்வு செய்ய தலா 3 வீரர் மற்றும் வீராங்கனைகளை ஐசிசி அறிவித்துள்ளது.

அதன்படி ஜூன் மாதத்திற்கான சிறந்த வீரர் விருதுக்கான பரிந்துரை பட்டியலில் ஆஸ்திரேலியாவின் டிராவிஸ் ஹெட், இலங்கையின் வனிந்து ஹசரங்கா, ஜிம்பாப்வேயின் சீன் வில்லியம்ஸ் ஆகியோரின் பெயர்கள் பரிந்துரை செய்யப்பட்டுள்ளது.

அதேபோல் ஜூன் மாதத்திற்கான சிறந்த வீராங்கனை விருதுக்கு இங்கிலாந்தின் டாமி பியூமண்ட், ஆஸ்திரேலியாவின் ஆஷ்லே கார்ட்னர், வெஸ்ட் இண்டீஸ் அணியின் ஹேலி மேத்யூஸ் பெயரும் பரிந்துரை செய்யப்பட்டுள்ளது.

இவர்களில் அதிக வாக்குகள் பெறும் வீரர் மற்றும் வீராங்கனைக்கு ஜூன் மாதத்திற்கான சிறந்த வீரர் மற்றும் வீராங்கனை விருது வழங்கப்படும்.