பெண்கள் பிரீமியர் லீக்; மும்பை இந்தியன்ஸ் - ராயல் சேலஞ்சர்ஸ் பெங்களூரு அணிகள் இன்று மோதல்

பெங்களூரு,

5 அணிகள் பங்கேற்றுள்ள 2-வது பெண்கள் பிரீமியர் லீக் (டபிள்யூ.பி.எல்.) கிரிக்கெட் போட்டி பெங்களூருவில் நடந்து வருகிறது.இந்த தொடரில் இன்று நடைபெறும் லீக் ஆட்டத்தில் மும்பை இந்தியன்ஸ் - ராயல் சேலஞ்சர்ஸ் பெங்களூரு அணிகள் மோத உள்ளன.

மந்தனா தலைமையிலான பெங்களூரு அணி இதுவரை 3 ஆட்டங்களில் ஆடி 2 வெற்றி, 1 தோல்வி கண்டு புள்ளிப்பட்டியலில் 2வது இடத்தில் உள்ளது. அதேவேளையில் ஹர்மன்பிரீத் கவுர் தலைமையிலான மும்பை அணியும் 3 ஆட்டங்களில் ஆடி 2 வெற்றி, 1 தோல்வி கண்டு புள்ளிப்பட்டியலில் 4வது இடத்தில் உள்ளது,

இரு அணிகளும் தங்களது கடைசி லீக் தோல்வி அடைந்ததால் மீண்டும் வெற்றிப்பாதைக்கு திரும்பும் முனைப்பில் உள்ளன. இதனால் ஆட்டத்தில் பரபரப்புக்கு பஞ்சம் இருக்காது. இந்திய நேரப்படி ஆட்டம் இரவு 7.30 மணிக்கு தொடங்குகிறது.