அமெரிக்கா மேஜர் லீக் கிரிக்கெட்; ஆறு அணி கேப்டன்களுடன் கோப்பை அறிமுகம்...!!

அமெரிக்கா,

அமெரிக்காவில் கிரிக்கெட்டை பிரபலப்படுத்த ஐபிஎல்-ஐப் போன்று 20 ஓவர் கிரிக்கெட் போட்டி நடத்த திட்டமிடப்பட்டது.அதற்கான ஏற்பாடுகள் தீவிரமாக நடைபெற்று வந்த நிலையில் மேஜர் லீக் கிரிக்கெட் என்ற பெயரில் தொடர் நாளை ஆரம்பமாக உள்ளது.

அமெரிக்கன் கிரிக்கெட் எண்டர்பிரைசஸ் மூலம் நடத்தப்படும் இந்த தொடரில் ஆறு அணிகள் பங்கேற்கின்றன.

இதில் ஐபிஎல்-ஐ சேர்ந்த சென்னை,மும்பை,டெல்லி மற்றும் கொல்கத்தா அணிகளின் உரிமையாளைர்களும் அணிகளை வாங்கி உள்ளனர்

சென்னை அணி நிர்வாகம் டெக்சாஸ் அணியையும்,மும்பை அணி நிர்வாகம் நியூயார்க் அணியையும்,கொல்கத்தா அணி நிர்வாகம் லாஸ் ஏஞ்சல்ஸ் மற்றும் டெல்லி அணி நிர்வாகம் சியாட்டில் அணியையும் வாங்கி உள்ளது.

ஐபிஎல்-ஐப் போன்றே அணிகளுக்கு பெயர்களையும் வைத்து உள்ளனர். டெக்சாஸ் சூப்பர் கிங்ஸ் (சென்னை),எம்ஐ நியூயார்க் (மும்பை),லாஸ் ஏஞ்சல்ஸ் நைட்ரைடர்ஸ் (கொல்கத்தா) என்றே தங்கள் அணிகளின் பெயர்களை ஒட்டியே வைத்து உள்ளன.மேலும் கேப்டன்களும் அணியுடன் நெருக்கமான வீரர்களையே நியமித்து உள்ளனர்.

அதன்படி டெக்சாஸ் அணிக்கு சென்னை அணியின் முன்னாள் வீரர் பாப் டு பிளஸ்ஸிசையும்,நியூயார்க் அணிக்கு மும்பை அணியின் பயிற்சியாளர் பொல்லார்டையும்,லாஸ் ஏஞ்சல்ஸ் அணிக்கு கொல்கத்தா அணியின் வீரர் சுனில்நரினையும்,சீட்டில் ஆர்கஸ் அணிக்கு டெல்லி அணியின் முன்னாள் வீரர் வெய்ன் பார்னேலையும் நியமித்து உள்ளனர்.

மற்ற 2 அணிகள் முறையே சான் பிரான்சிஸ்கோ யூனிகார்ன்ஸ் மற்றும் வாஷிங்டன் ப்ரீடம் ஆகும்.இதில் சான் பிரான்சிஸ்கோ அணிக்கு ஆரோன் பிஞ்ச் மற்றும் வாஷிங்டன் அணிக்கு மோய்ஸ் ஹென்ரிக்ஸ் கேப்டன்களாக நியமிக்கப்பட்டு உள்ளனர்.

இந்நிலையில் இன்று நடைபெற்ற மேஜர் லீக் தொடர் அறிமுக விழாவில் ஆறு அணி கேப்டன்களும் கோப்பை உடன் புகைப்படம் எடுத்து உள்ளனர்.

மேலும் போட்டி அட்டவணையும் வெளியிட்டு உள்ளது.மொத்தம் 19 ஆட்டங்கள் நடைபெற உள்ளது.அவை 15 லீக் போட்டிகள்,3 பிளேஆப் சுற்று ஆட்டங்கள் மற்றும் இறுதிப்போட்டி ஆகும்.

டெக்சாஸ் சூப்பர் கிங்ஸ் - லாஸ் ஏஞ்சல்ஸ் நைட் ரைடர்ஸ், ஜூலை 14

எம்ஐ நியூயார்க் - சான் பிரான்சிஸ்கோ யூனிகார்ன்ஸ், ஜூலை 15

சீட்டில் ஆர்கஸ் - வாஷிங்டன் ப்ரீடம், ஜூலை 15

சான் பிரான்சிஸ்கோ யூனிகார்ன்ஸ் - சீட்டில் ஆர்கஸ், ஜூலை 16

டெக்சாஸ் சூப்பர் கிங்ஸ் - வாஷிங்டன் ப்ரீடம், ஜூலை 17

லாஸ் ஏஞ்சல்ஸ் நைட் ரைடர்ஸ் - எம்ஐ நியூயார்க், ஜூலை 17

டெக்சாஸ் சூப்பர் கிங்ஸ் - எம்ஐ நியூயார்க், ஜூலை 18

லாஸ் ஏஞ்சல்ஸ் நைட் ரைடர்ஸ் - சான் பிரான்சிஸ்கோ யூனிகார்ன்ஸ், ஜூலை 19

வாஷிங்டன் ப்ரீடம் - லாஸ் ஏஞ்சல்ஸ் நைட் ரைடர்ஸ் ஜூலை 21

சீட்டில் ஆர்கஸ் - டெக்சாஸ் சூப்பர் கிங்ஸ் ஜூலை 22

வாஷிங்டன் ப்ரீடம் - சான் பிரான்சிஸ்கோ யூனிகார்ன்ஸ் ஜூலை 23

லாஸ் ஏஞ்சல்ஸ் நைட் ரைடர்ஸ் - சீட்டில் ஆர்கஸ் ஜூலை 23

எம்ஐ நியூயார்க் - வாஷிங்டன் ப்ரீடம், ஜூலை 24

சான் பிரான்சிஸ்கோ யூனிகார்ன்ஸ் - டெக்சாஸ் சூப்பர் கிங்ஸ், ஜூலை 25

எம்ஐ நியூயார்க் - சீட்டில் ஆர்கஸ், ஜூலை 26

எலிமினேட்டர் ஜூலை 28

தகுதிச் சுற்று 1 ஜூலை 28

தகுதிச் சுற்று 2, ஜூலை 29

இறுதிப்போட்டி, ஜூலை 31