சென்னையில் இந்தியா- ஆஸ்திரேலியா ஒருநாள் போட்டி- டிக்கெட் விற்பனை குறித்த அறிவிப்பு வெளியீடு

சென்னை,

ஆஸ்திரேலிய அணி இந்தியாவில் சுற்றுப்பயணம் மேற்கொண்டு விளையாடி வருகிறது. இரு அணிகளும் தற்போது டெஸ்ட் தொடரில் விளையாடி வருகிறது.

இதனை தொடர்ந்து 3 போட்டிகள் கொண்ட ஒருநாள் தொடர் நடைபெற உள்ளது. இதில் 3 வது மற்றும் கடைசி ஒருநாள் கிரிக்கெட் போட்டி வரும் 22ம் தேதி சென்னையில் நடைபெற உள்ளது.

இந்த போட்டிக்கான டிக்கெட் விற்பனை குறித்த அறிவிப்பை தமிழ்நாடு கிரிக்கெட் சங்கம் வெளியிட்டு உள்ளது.

இந்த போட்டிக்கான ஆன்லைன் டிக்கெட் விற்பனை வரும் 13 ஆம் தேதியும், நேரடி டிக்கெட் விற்பனை 17ம் தேதி காலை 11 மணியளவிலும் நடைபெறும் என தெரிவிக்கப்பட்டு உள்ளது,

மேலும், குறைந்தபட்ச டிக்கெட்டின் விலை ரூ.1200 ஆகவும், அதிகபட்ச டிக்கெட் விலை ரூ. 10 ஆயிரம் எனவும் நிர்ணயம் செய்யப்பட்டு உள்ளது.