ஒரே சீசனில் இரண்டு இரானி கோப்பை கிரிக்கெட் - இந்திய வாரியம்

இந்திய கிரிக்கெட் வாரியம் உள்ளூர் போட்டிக்கான அட்டவணையை மாநில கிரிக்கெட் சங்கங்களுக்கு அனுப்பியுள்ளது. அந்த போட்டி அட்டவணை வெளியாகியுள்ளது. இதன்படி ஒரே சீசனில் இரண்டு இரானி கோப்பை கிரிக்கெட் நடத்தப்படுகிறது. கொரோனா பரவலால் 2020-ம் ஆண்டு இந்த போட்டி நடத்தப்படாததால் அதற்கு ஈடுகட்டும் வகையில் இந்த ஏற்பாடு செய்யப்பட்டு உள்ளது. 2020-ம் ஆண்டு ரஞ்சி சாம்பியனான சவுராஷ்டிரா அணி இரானி கோப்பை கிரிக்கெட்டில் ரெஸ்ட் ஆப் இந்தியாவுடன் மோதும் ஆட்டம் அடுத்த மாதம் 1-ந்தேதி முதல் 5-ந்தேதி வரை நடக்கிறது. தற்போதைய ரஞ்சி சாம்பியன் மத்திய பிரதேச அணி, ரெஸ்ட் ஆப் இந்தியாவை அடுத்த ஆண்டு மார்ச் 1-ந்தேதி எதிர்கொள்கிறது.

சையத் முஷ்டாக் அலி கோப்பைக்கான 20 ஓவர் போட்டி தொடர் அக்டோபர் 11-ந்தேதி முதல் நவம்பர் 5-ந்தேதி வரையும், விஜய் ஹசாரே கோப்பைக்கான ஒரு நாள் போட்டிகள் நவம்பர் 12-ந்தேதி முதல் டிசம்பர் 2-ந்தேதி வரையும், ரஞ்சி கோப்பை கிரிக்கெட் டிசம்பர் 12-ந்தேதி முதல் பிப்ரவரி 20-ந்தேதி வரையும் நடைபெறுகிறது.