2-வது ஒருநாள் கிரிக்கெட் போட்டி: ஆஸ்திரேலியா-இங்கிலாந்து இன்று மோதல்

சிட்னி,

ஆஸ்திரேலியாவுக்கு சென்றுள்ள இங்கிலாந்து கிரிக்கெட் அணி 3 போட்டிகள் கொண்ட ஒரு நாள் தொடரில் விளையாடுகிறது. இதில் அடிலெய்டில் நடந்த முதலாவது ஆட்டத்தில் ஆஸ்திரேலியா 6 விக்கெட் வித்தியாசத்தில் வெற்றி பெற்று தொடரில் 1-0 என்ற கணக்கில் முன்னிலை வகிக்கிறது.

இந்த நிலையில் இவ்விரு அணிகள் இடையிலான 2-வது ஒருநாள் கிரிக்கெட் போட்டி சிட்னியில் இன்று (சனிக்கிழமை) நடக்கிறது. இதிலும் வெற்றி பெற்று தொடரை கைப்பற்ற ஆஸ்திரேலிய அணி தீவிரமாக உள்ளது.

அதேசமயம் தொடரை இழக்காமல் இருக்க இங்கிலாந்து எல்லா வகையிலும் போராடும். எனவே இந்த ஆட்டத்தில் விறுவிறுப்புக்கு பஞ்சம் இருக்காது. இந்திய நேரப்படி காலை 8.50 மணிக்கு தொடங்கும் ஆட்டத்தை சோனி சிக்ஸ் சேனல் நேரடி ஒளிபரப்பு செய்கிறது.