சீனாவின் முன்னாள் பிரதமர் லீ கெகியாங் காலமானார்

பீஜிங்,

சீனாவின் முன்னாள் பிரதமர் லீ கெகியாங்(வயது 68). ஷாங்காய் நகரில் வசித்து வந்த இவர் மாரடைப்பால் நேற்று உயிரிழந்தார். இவர் கடந்த 2013-ம் ஆண்டு முதல் 2023-ம் ஆண்டு மார்ச் மாதம் வரை சீனாவின் பிரதமராக இருந்தார்.

இவர் சீனாவின் தலைமைப் பொருளாதார அதிகாரியாக பத்து ஆண்டுகள் பணியாற்றினார். 1955-ம் ஆண்டு அன்ஹுய் மாகாணத்தில் பிறந்த லீ கெகியாங், கம்யூனிஸ்ட் கட்சியின் செயலாளராக அரசியலில் நுழைந்தார். சீனாவின் பெக்கிங் பல்கலைக்கழகத்தில் சட்டம் பயின்ற அவர், 1994-ல் பொருளாதாரத்தில் முனைவர் பட்டம் பெற்றார் என்பது குறிப்பிடத்தக்கது.