பொதுமக்களுக்கு மஞ்சள் பை

சேரன்மாதேவி:

கோபாலசமுத்திரம் கிராம உதயம் அலுவலகத்தில், பிளாஸ்டிக் ஒழிப்பு விழிப்புணர்வு மற்றும் மஞ்சள் பை வழங்கும் நிகழ்ச்சி நடந்தது. பின்னர் பிளாஸ்டிக் ஒழிப்பு தொடர்பான கருத்தரங்கும் நடைபெற்றது. இதில் கிராம உதயம் நிறுவன இயக்குனர் சுந்தரேசன் சிறப்பு விருந்தினராக கலந்துகொண்டு கருத்துரை வழங்கினார். நிகழ்ச்சியில் கலந்து கொண்ட பொதுமக்களுக்கு சுமார் 500 துணிப்பைகள் மற்றும் 500 மரக்கன்றுகள் இலவசமாக வழங்கப்பட்டன. இதில் கிராம உதயம் தன்னார்வ தொண்டர்கள், கிராம பகுதி பொறுப்பாளர்கள் மற்றும் பொதுமக்கள் உள்பட பலர் கலந்து கொண்டனர்.