மின்சாரம் பாய்ந்து தொழிலாளி பலி

முசிறி, ஜூலை.19-

மின்சாரம் பாய்ந்து தொழிலாளி பரிதாபமாக இறந்தார்.

தொழிலாளி

முசிறி வைரிசெட்டிப்பாளையம் மார்க்கண்டேயன் கோவில் தெருவை சேர்ந்தவர் ராஜமாணிக்கம் (வயது 55). இவர் முசிறி தா.பேட்டை ரோட்டில் உள்ள ஒரு கோழி இறைச்சி கடையில் தொழிலாளியாக பணியாற்றி வந்தார்.

சம்பவத்தன்று இவர் கோழி இறைச்சியை சுத்தம் செய்யும் எந்திரத்தை இயக்கும்போது, மின்சாரம் பாய்ந்து மயங்கி விழுந்தார். அக்கம்பக்கத்தில் உள்ளவர்கள் உடனடியாக அவரை முசிறி அரசு ஆஸ்பத்திரிக்கு கொண்டு சென்றனர். ஆனால் அவர் செல்லும் வழியில் பரிதாபமாக இறந்தார். இதுகுறித்த புகாரின் பேரில் முசிறி போலீசார் வழக்குப்பதிவு செய்து விசாரணை நடத்தி வருகின்றனர்.