மதுபோதையில் தவறி விழுந்து தொழிலாளி சாவு

பரமத்திவேலூர்

பரமத்திவேலூர் அருகே உள்ள பாண்டமங்கலத்தை சேர்ந்தவர் குணசேகரன் (வயது 55). கூலித்தொழிலாளி. இவரது மனைவி ராதா. இவர்களுக்கு ஐயப்பன், விக்னேஸ்வரன் என்ற இரண்டு மகன்கள் உள்ளனர். குணசேகரன் அடிக்கடி மது அருந்தி வந்ததாக கூறப்படுகிறது. இந்தநிலையில் நேற்றுமுன்தினம் மது அருந்திவிட்டு வீட்டிற்கு நடந்து சென்றார். அப்போது மதுபோதையில் குணசேகரன் தடுமாறி கீழே விழுந்து படுகாயம் அடைந்தார். இதை பார்த்த அந்த வழியாக சென்றவர்கள் அவரை காப்பாற்றி வேலூர் அரசு மருத்துவமனையில் சிகிச்சைக்காக சேர்த்தனர். பின்னர் மேல் சிகிச்சைக்காக சேலம் அரசு மருத்துவமனைக்கு அனுப்பி வைக்கப்பட்டு அங்கு சிகிச்சை பெற்று வந்தார். ஆனால் அங்கு சிகிச்சை பலனின்றி குணசேகரன் நேற்று உயிரிழந்தார். சம்பவம் குறித்து பரமத்திவேலூர் போலீசார் வழக்குப்பதிவு செய்து விசாரணை நடத்தி வருகின்றனர்.