மதுவில் விஷம் கலந்து குடித்து தொழிலாளி தற்கொலை

ராஜாக்கமங்கலம்:

ராஜாக்கமங்கலம் அருகே பரமன்விளை பகுதியை சேர்ந்தவர் கண்ணன் (வயது 49), தொழிலாளி. சம்பவத்தன்று இரவு இவர் வீட்டில் இருந்த போது மதுவில் விஷம் கலந்து குடித்துள்ளார். இதனால் மயங்கி கீழே விழுந்த அவரை உறவினர்கள் மீட்டு சிகிச்சைக்காக ராஜாக்கமங்கலத்தில் உள்ள ஒரு தனியார் ஆஸ்பத்திரிக்கு கொண்டு சென்றனர். பின்னர் மேல்சிகிச்சைக்காக ஆசாரிபள்ளம் அரசு ஆஸ்பத்திரிக்கு கொண்டு செல்லப்பட்டார். அங்கு சிகிச்சை பலனின்றி அவர் பரிதாபமாக இறந்தார்.

மேலும் இதுகுறித்த புகாரின் பேரில் ராஜாக்கமங்கலம் போலீசார் வழக்குப்பதிவு செய்து தற்கொலைக்கான காரணம்? குறித்து விசாரணை நடத்தி வருகின்றனர். தற்கொலை செய்த கண்ணனுக்கு மனைவியும், கல்லூரியில் படித்து வரும் ஒரு மகளும் உள்ளனர்.