விஸ்வ பிரம்மா தெய்வீக ஜெயந்தி விழா

ஆறுமுகநேரி:

ஆறுமுகநேரி விஸ்வ பிரம்மா சமுதாய குழு சார்பில் விஸ்வ பிரம்மா தெய்வீக ஜெயந்தி விழா கொண்டாடப்பட்டது. ஆறுமுகநேரி மெயின் பஜாரில் விஸ்வ பிரம்மா படம் அலங்கரிக்கப்பட்டு மாலை அணிவித்து மரியாதை செய்தனர். நிகழ்ச்சியில் சிறப்பு விருந்தினராக ஆறுமுகநேரி நகரப்பஞ்சாயத்து துணைத்தலைவர் கல்யாணசுந்தரம், ஆறுமுகநேரி நகர தி.மு.க. செயலாளர் அ.க.நவநீதபாண்டியன். ஆகியோர் கலந்துகொண்டு இனிப்பு வழங்கினர்.

நிகழ்ச்சியில் விஸ்வகர்ம மக்கள் முன்னேற்ற கழக மாநில தலைவர் கே. எம்.சுடலைமுத்து, மாவட்ட விஸ்வகர்மா மகளிர் அணி தலைவி நல்லதாய் சாந்தா, உடந்தை மகராஜன், மாணிவாசகம், வேல்முருகன், ராஜ்குமார், மாரிமுத்து காயல்பட்டினம் பொன்னையா, மணிகண்டன் உள்பட பலர் கலந்து கொண்டனர்.