பள்ளத்தில் கவிழ்ந்த வாகனங்கள்

அருப்புக்கோட்டை

விருதுநகர் அருகே பேய்க்குளத்தை சேர்ந்தவர் செல்வம். டிரைவரான இவர் சரக்கு வாகனத்தில் பொருட்கள் ஏற்றுவதற்காக அருப்புக்கோட்டை நோக்கி சென்று கொண்டிருந்தார். அப்போது அருப்புக்கோட்டை- விருதுநகர் சாலையில் துணை மின் நிலையம் அருகே சாலையோரம் வாகனத்தை நிறுத்தி விட்டு கீழே இறங்கியுள்ளார். அப்போது விருதுநகரில் இருந்து அருப்புக்கோட்டை நோக்கி சென்று கொண்டிருந்த மினி வேன் சாலையோரம் நின்று கொண்டிருந்த சரக்கு வாகனத்தின் மீது எதிர்பாராத விதமாக மோதியது. இதில் இரண்டு வாகனங்களும் சாலையோர பள்ளத்தில் பாய்ந்தது. ஆனால் இந்த விபத்தில் 2 வாகனங்களின் டிரைவர்களும் காயங்கள் இன்றி உயிர் தப்பினர். மினி வேனில் பயணிகள் யாரும் இல்லாததால் அசம்பாவிதம் தவிர்க்கப்பட்டது. இதுகுறித்து போக்குவரத்து போலீசார் மற்றும் டவுன் போலீசார் விசாரணை மேற்கொண்டனர்.