லாரி மீது வேன் மோதி விபத்து

கோத்தகிரி,

திருவண்ணாமலை மாவட்டத்தில் இருந்து 5 குழந்தைகள் உள்பட 20 பேர் சுற்றுலா வேனில் ஊட்டிக்கு சுற்றுலா வந்தனர். சுற்றுலா தலங்களை கண்டு ரசித்து விட்டு, சொந்த ஊருக்கு செல்வதற்காக நேற்று முன்தினம் இரவு 10 மணிக்கு கோத்தகிரி வழியாக மேட்டுப்பாளையம் சென்றனர். வேனுக்கு முன்னால் லாரி சென்றது.

தட்டப்பள்ளம் அருகே வேன் சென்ற போது, கட்டுப்பாட்டை இழந்து லாரி மீது மோதி விபத்துக்குள்ளானது. இதில் சுற்றுலா வேனின் கண்ணாடி உடைந்தது. சுற்றுலா பயணிகள் 20 பேர் அதிர்ஷ்டவசமாக உயிர் தப்பினர். விபத்து காரணமாக போக்குவரத்து பாதிக்கப்பட்டது. தகவல் அறிந்து வந்த போலீசார் போக்குவரத்தை ஒழுங்குபடுத்தினர்.