தீயில் மரங்கள் எரிந்து நாசம்

திருக்காடுதுறை அருகே ஆர்.எஸ்.நகர் பகுதியை சேர்ந்தவர் தனபாலகிருஷ்ணன் (வயது 45). விவசாயி. இவரது தோட்டத்தில் முளைத்து இருந்த பல்வேறு மரங்கள், செடி, கொடிகள் வெயிலின் தாக்கத்தால் காய்ந்து இருந்தது. இந்நிலையில் திடீரென காய்ந்திருந்த மரங்கள் மற்றும் செடி, கொடிகள் தீப்பிடித்து எரிய ஆரம்பித்தது. அதை பார்த்த அங்கிருந்தவர்கள் ஓடி வந்து தீயை அணைக்க முயற்சி செய்தனர். இருப்பினும் தீயை அணைக்க முடியவில்லை. இதுகுறித்து தகவல் அறிந்த வேலாயுதம்பாளையம் தீயணைப்பு நிலைய அலுவலர் கோமதி தலைமையிலான தீயணைப்பு வீரர்கள் சம்பவ இடத்திற்கு விரைந்து வந்தனர். பின்னர் மரங்களில் எரிந்து கொண்டிருந்த தீயை தண்ணீரை பீய்ச்சி அடித்து அணைத்தனர். இருப்பினும் பெரும்பாலான மரங்கள், செடி, கொடிகள் தீயில் எரிந்து நாசமானது.