உள்ளாட்சி பிரதிநிதிகளுக்கு பயிற்சி முகாம்

பாவூர்சத்திரம்:

ராஷ்ட்ரீய கிராம சுவராஜ் அபியான் திட்டத்தின் கீழ், வட்டார வளர்ச்சி திட்டம் தயார் செய்யும் பொருட்டு உள்ளாட்சி பிரதிநிதிகளுக்கான பயிற்சி முகாம் பாவூர்சத்திரத்தில் உள்ள கீழப்பாவூர் ஊராட்சி ஒன்றிய அலுவலகத்தில் 4 நாட்கள் நடைபெற்றது. இதன் 2-ம் கட்ட பயிற்சி முகாம் கீழப்பாவூரில் நடைபெற்றது.

கீழப்பாவூர் பஞ்சாயத்து யூனியன் தலைவர் சீ.காவேரி சீனித்துரை தலைமை தாங்கி, தொடங்கி வைத்தார். ஜான்சிரத்னா, மீனாட்சி பயிற்சி அளித்தனர்.

இதில் யூனியன் துணைத்தலைவர் முத்துகுமார், மாவட்ட கவுன்சிலர்கள் சாக்ரடீஸ், சுப்பிரமணியன் மற்றும் ஒன்றியக்குழு உறுப்பினர்கள், பஞ்சாயத்து தலைவர்கள், துணைத்தலைவர்கள் மற்றும் வட்டார வளர்ச்சி திட்டமிடல் குழு, வட்டார வளர்ச்சி துறை சார்ந்த பணிக்குழு, வட்டார சபை உறுப்பினர்கள் மற்றும் அலுவலர்கள் கலந்து கொண்டனர். முடிவில், வட்டார வளர்ச்சி அலுவலர் கண்ணன் நன்றி கூறினார்.