வியாபாரி தூக்குப்போட்டு தற்கொலை

பனவடலிசத்திரம்:

தேவர்குளம் அருகே உள்ள மேலநரிக்குடி ஊரைச் சேர்ந்தவர் அய்யாதுரை. இவரது மகன் முத்துப்பாண்டி (வயது 34). இவர் கேரளாவில் பழைய இரும்பு வியாபாரம் செய்து வந்தார். இவருக்கு செல்லத்தாய் என்ற மனைவியும், அனு ஜெயா என்ற மகளும் உள்ளனர். முத்துப்பாண்டி கடந்த சில நாட்களுக்கு முன்பு கேரளாவில் இருந்து ஊருக்கு வந்தார்.

இந்தநிலையில் வீட்டில் யாரும் இல்லாத போது அவர், சேலையில் தூக்குப்போட்டு தற்கொலை செய்து கொண்டார். தகவல் அறிந்ததும் தேவர்குளம் போலீசார் சம்பவ இடத்துக்கு சென்றனர். முத்துப்பாண்டி உடலை கைப்பற்றி பரிசோதனைக்காக நெல்லை அரசு ஆஸ்பத்திரிக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர்.