நெய் அருவியில் சுற்றுலா பயணிகள் மோதல்

செங்கோட்டை:

செங்கோட்டை குண்டாறு அணை அருகே நெய் அருவி அமைந்துள்ளது. விடுமுறை நாட்களில் குற்றாலத்திற்கு அடுத்தபடியாக இங்கு வரும் சுற்றுலா பயணிகளின் எண்ணிக்கை அதிகரித்து வருகிறது. இந்நிலையில் நேற்று அங்கு சுற்றுலா பயணிகள் குவிந்தனர். அங்கு ஆனந்தமாக குளித்துக் கொண்டிருக்கும்போது அவர்களுக்கு இடையே திடீரென மோதல், கைகலப்பு ஏற்பட்டது. இதுதொடர்பான வீடியோ சமூகவலைதளங்களில் வெளியாகி வைரலாகியுள்ளது. இதையடுத்து நெய் அருவி பகுதியில் போலீசார் பாதுகாப்பு வசதியை மேம்படுத்த வேண்டும் என்று சுற்றுலா பயணிகள் கோரிக்கை வைத்துள்ளனர்.