திருச்சி வேலைவாய்ப்பு அலுவலகத்தில் டி.என்.பி.எஸ்.சி. தேர்வுக்கான இலவச பயிற்சி வகுப்பு தொடக்கம்

திருச்சி,

திருச்சி மாவட்ட வேலை வாய்ப்பு அலுவலகத்தில் டி.என்.பி.எஸ்.சி. தேர்வுக்கான இலவச பயிற்சி வகுப்புகள் நேற்று தொடங்கின. இதில் குரூப் 2 மற்றும் குரூப் 4 போட்டி தேர்வுக்கு தயார்படுத்தும் வகையில் பயிற்சிகள் அளிக்கப்பட உள்ளன. தொடக்க நாளான நேற்று இந்த பயிற்சி வகுப்பில் 110 மாணவ-மாணவிகள் கலந்து கொண்டனர். பயிற்சி வகுப்பு தொடக்க நிகழ்ச்சியில் மாவட்ட வேலைவாய்ப்பு அலுவலர் கலைச்செல்வன், இளநிலை வேலைவாய்ப்பு அலுவலர் பன்னீர்செல்வம், கிளை நிலை வேலைவாய்ப்பு அலுவலர் சரிபா ராபியா ஆகியோர் மாணவ-மாணவிகளை உற்சாகப்படுத்தும் வகையில் பேசியதுடன், தேர்வை எதிர்கொள்வது குறித்த நுணுக்கங்களையும் பகிர்ந்து கொண்டனர்.