திருமலை குமாரசுவாமி கோவில் வருசாபிஷேகம்

கடையநல்லூர்:

பண்பொழி திருமலை குமாரசுவாமி கோவிலில் நேற்று வருசாபிஷேகம் நடைபெற்றது. இதையொட்டி காலையில் அனுக்ஞை, விக்னேஸ்வர பூஜை, புண்யாகவாசனம், 108 கலச பூஜை, வேத பாராயணம், திருமுறை பாராயணம், மகாபூர்ணாஹூதி, தீபாராதனை உள்ளிட்டவை நடந்தது. தொடர்ந்து விமானம் மற்றும் மூலவருக்கு சிறப்பு அபிஷேகம் நடத்தப்பட்டது. மதியம் 2 மணிக்கு உச்சிகால தீபாராதனை நடைபெற்றது. இதில் திரளான பக்தர்கள் கலந்து கொண்டு சாமி தரிசனம் செய்தனர். தொடர்ந்து பக்தர்களுக்கு அன்னதானம் வழங்கப்பட்டது.