பிளஸ்-2 தேர்வில் திருவேங்கடம் பள்ளி மாணவர்கள் சாதனை

திருவேங்கடம்:

திருவேங்கடம் கலைவாணி மெட்ரிக் மேல்நிலைப்பள்ளியில் 233 மாணவர்கள் பிளஸ்-2 அரசு பொதுத்தேர்வு எழுதினர். இவர்கள் அனைவரும் தேர்ச்சி பெற்றனர். 18 மாணவர்கள் 550 மதிப்பெண்களுக்கு மேலும், 68 மாணவர்கள் 500-க்கு மேலும் மதிப்பெண்கள் பெற்றுள்ளனர். மாணவி மாரிச்செல்வி 594 மதிப்பெண்கள் பெற்று பள்ளியில் முதலிடமும், மாணவி சி.பிரீத்தி வர்ஷினி 593 மதிப்பெண்கள் பெற்று 2-வது இடமும், மாணவி ச.யாமினி பிரியா மற்றும் பா.பிரவீன் குமார் ஆகிய இருவரும் 588 மதிப்பெண்களும் பெற்று 3-வது இடமும் பிடித்தனர்.

கணிதத்தில் ஒருவரும், இயற்பியலில் 2 பேரும், வேதியியலில் 10 பேரும், உயிரியலில் ஒருவரும், வணிகவியலில் ஒருவரும் 100 மதிப்பெண்கள் பெற்றனர். சாதனை படைத்த மாணவ-மாணவிகளை பள்ளி நிர்வாகி மற்றும் முதல்வருமான வெ.பொன்னழகன் என்ற கண்ணன் மற்றும் ஆசிரிய-ஆசிரியைகள், பொதுமக்கள் பாராட்டினர்.