'தி.மு.க. கூட்டணியில் திருமாவளவனுக்கு விருப்பமில்லை' - முன்னாள் அமைச்சர் ஜெயக்குமார்

சென்னை,

பட்டியலின மக்களின் உயிருக்கும், உடைமைக்கும் பாதுகாப்பில்லை என்று முன்னாள் அமைச்சர் ஜெயக்குமார் விமர்சித்துள்ளார். இது தொடர்பாக சென்னையில் செய்தியாளர்களிடம் பேசிய போது அவர் கூறியதாவது;-

"நாடாளுமன்ற தேர்தலுக்கு இன்னும் சுமார் 8 மாதங்கள் உள்ள நிலையில், அரசியலில் பல மாற்றங்கள் ஏற்படலாம். பட்டியலின மக்களின் உயிருக்கும், உடைமைக்கும் பாதுகாப்பில்லை என்ற நிலை உள்ளது. இதனால் தி.மு.க. கூட்டணியில் திருமாவளவனுக்கே விருப்பமில்லை. தேர்தல் நெருங்கும் சமயத்தில் தி.மு.க. கூட்டணியில் இருந்து பலர் வெளியேறலாம்" என்று தெரிவித்தார்.