விவசாயியை தாக்கிய வாலிபர் கைது

அரியலூர் மாவட்டம், உடையார்பாளையம் அருகே த.சோழங்குறிச்சி கிராமத்தை சேர்ந்தவர் உலகநாதன்(வயது 44). விவசாயியான இவருக்கும், அதே பகுதியில் வசிக்கும் விஸ்வநாதன் மகன் தென்னரசு(23) மற்றும் 17 வயது சிறுவன் ஆகியோருக்கு இடையே இடப்பிரச்சினை சம்பந்தமாக முன் விரோதம் இருந்து வருவதாக கூறப்படுகிறது. இந்நிலையில் நேற்று உலகநாதனுக்கும், தென்னரசுக்கும் தகராறு ஏற்பட்டது. இதில் உலகநாதனை தென்னரசு மற்றும் அந்த சிறுவன் ஆகியோர் சேர்ந்து தாக்கியுள்ளனர். இதுகுறித்து உலகநாதன் உடையார்பாளையம் போலீஸ் நிலையத்தில் புகார் அளித்தார். புகாரின் பேரில் போலீஸ் சப்-இன்ஸ்பெக்டர் திருவேங்கடம் தென்னரசு மீது வழக்குப்பதிவு செய்து அவரை கைது செய்து விசாரணை நடத்தி வருகின்றனர்.