விபத்தில் காயம் அடைந்த பெண் சாவு

வீரவநல்லூர் அருகே உள்ள கிளாக்குளத்தை சேர்ந்தவர் காசிதுரை. இவருடைய மனைவி அமுதா (வயது 75). கடந்த சில நாட்களுக்கு முன்பு இவர் தனது மகன் புஷ்பராஜனுடன் மோட்டார் சைக்கிளில் நெல்லையில் உள்ள ஆஸ்பத்திரியில் பரிசோதனைக்காக புறப்பட்டு வந்தார்.

பேட்டை சாஸ்திரி நகர் பஸ்நிறுத்தம் அருகே வந்தபோது அமுதா எதிர்பாராதவிதமாக மோட்டார் சைக்களில் இருந்து தவறி கீழே விழுந்தார். இதில் பலத்த காயம் அடைந்த அவரை ஐகிரவுண்டு அரசு ஆஸ்பத்திரியில் சிகிச்சைக்காக சேர்த்தனர். ஆனால் அங்கு சிகிச்சை பலன் அளிக்காமல் இறந்தார். இதுகுறித்து நெல்லை மாநகர போக்குவரத்து புலனாய்வு பிரிவு போலீசார் வழக்குப்பதிவு செய்து விசாரணை நடத்தி வருகின்றனர்.