தொழிலாளி வீட்டில் பணம் திருட்டு

நெல்லை அருகே அருகன்குளம் மாதாகோவில் தெருவை சேர்ந்தவர் கருணாகரன் மகன் மாரியப்பன் (வயது 34). தொழிலாளியான இவர் தனது மனைவியுடன் வெளியூருக்கு சென்று விட்டு நேற்று வீடு திரும்பினார். அப்போது வீட்டின் முன்பக்க கதவு திறந்து கிடந்தது. உள்ளே சென்று பார்த்த போது, பீரோவில் இருந்த ரூ.50 ஆயிரம் மற்றும் வீட்டில் இருந்த கியாஸ் சிலிண்டர் உள்ளிட்டவற்றை மர்ம நபர்கள் திருடிச் சென்றது தெரியவந்தது. இதனை அறிந்த தாழையூத்து போலீசார் சம்பவ இடத்துக்கு சென்று பார்வையிட்டு, விசாரணை நடத்தி வருகின்றனர்.