மாட்டை அரிவாளால் வெட்டியவருக்கு வலைவீச்சு

பாளையங்கோட்டை அருகே உள்ள அரியகுளத்தை சேர்ந்தவர் வேல்பாண்டி, விவசாயி. இவருக்கு சொந்தமான மாடு அங்குள்ள குளத்தில் மேய்ந்து கொண்டிருந்தது. அப்போது மர்மநபர் அந்த மாட்டின் முன்பக்க காலில் அரிவாளால் வெட்டி உள்ளார். இதில் அந்த மாடு நடக்க முடியாமல் ரத்த வெள்ளத்தில் சாய்ந்து விழுந்து கிடந்தது. இதை அறிந்த வேல்பாண்டி மாட்டை மீட்டு கால்நடை டாக்டர்கள் மூலம் சிகிச்சை அளித்தார்.

இதுகுறித்து பாளையங்கோட்டை தாலுகா போலீஸ் நிலையத்தில் வேல்பாண்டி புகார் செய்தார். போலீசார் வழக்குப்பதிவு செய்து மாட்டை வெட்டிய மர்மநபரை வலைவீசி தேடி வருகின்றனர்.