ஓடும் பஸ்சில் இருந்து தவறி விழுந்த மூதாட்டி படுகாயம்

களக்காடு:

களக்காடு அருகே உள்ள தம்பிதோப்பு இந்திரா காலனியை சேர்ந்தவர் கெங்கவேல் மனைவி நவமணி (வயது 60). இவரது கணவர் இறந்து விட்டதால், இவர் தனது மகன் திருமணியுடன் வசித்து வருகிறார். இந்நிலையில் சம்பவத்தன்று நவமணி கீரை வியாபாரத்திற்காக சவளைக்காரன் குளத்திற்கு அரசு பஸ்சில் சென்று கொண்டிருந்தார்.

சவளைக்காரன்குளம் அருகே சென்ற போது, ஓடும் பஸ்சில் இருந்து மூதாட்டி நவமணி படிக்கட்டு வழியாக தவறி கீழே விழுந்தார். இதில் அவர் படுகாயம் அடைந்தார். இதையடுத்து அவர் சிகிச்சைக்காக நெல்லை அரசு மருத்துவமனையில் அனுமதிக்கப்பட்டார். இதுபற்றி களக்காடு போலீசில் புகார் செய்யப்பட்டது. சப்-இன்ஸ்பெக்டர் ரெங்கசாமி இதுதொடர்பக பஸ்சின் டிரைவர் மீது வழக்குப்பதிவு செய்து விசாரணை நடத்தி வருகிறார்.