விவசாயியை தாக்கியவர் கைது

கடையம்:

கடையம் அருகே மைலப்பபுரம் தேரிக்குடியிருப்பைச் சேர்ந்தவர் ராஜகோபால் (வயது 65). விவசாயி. இவருக்கும், இவரது தம்பி தேவேந்திரன் மகன் கற்குவேல் (35) என்பவருக்கும் பாத்தியப்பட்ட பொதுவான கிணற்றில் இருந்து முறை வைத்து தங்களது தோட்டங்களுக்கு தண்ணீர் பாய்ச்சுவது வழக்கம்.

சம்பவத்தன்று தோட்டத்தில் தண்ணீர் பாய்ச்சுவது தொடர்பாக அவர்களுக்கு இடையே தகராறு ஏற்பட்டது. அப்போது ஆத்திரமடைந்த கற்குவேல் மண்வெட்டியால் ராஜகோபாலை தாக்கியதாக கூறப்படுகிறது. இதில் படுகாயமடைந்த அவர் நெல்லை அரசு ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார். இதுகுறித்த புகாரின் பேரில் கடையம் போலீசார் வழக்குப்பதிவு செய்து கற்குவேலை கைது செய்தனர்.