சிறுமி மாயம்

உடையார்பாளையம்:

அரியலூர் மாவட்டம் உடையார்பாளையம் அருகே உள்ள ஆதிச்சனூர் கிராமத்தை சேர்ந்தவர் தேவேந்திரன். விவசாயி. இவரது மகள் ஜோதிகா (வயது 17). இவர் திருப்பூர் மாவட்டத்தில் உள்ள ஒரு தனியார் நிறுவனத்தில் வேலை பார்த்து வருகிறார். இவர் கடந்த ஒரு வராத்திற்கு முன்பு தனது ஊரில் நடந்த திருவிழாவுக்கு வந்தார். இந்நிலையில் நேற்று முன்தினம் இரவு வீட்டை விட்டு வெளியே சென்ற அவர், பின்னர் வீடு திரும்பவில்லை. இதையடுத்து உறவினர்கள் வீடு மற்றும் பல்வேறு இடங்களில் தேடியும் ஜோதிகா கிடைக்கவில்லை. இது குறித்து அவரது தந்தை தேவேந்திரன் உடையார்பாளையம் போலீசில் புகார் அளித்தார். அதன்பேரில் போலீசார் வழக்குப்பதிந்து மாயமான ஜோதிகாவை தேடி வருகின்றனர்.