தியாகிகளின் வரலாறு இளைய தலைமுறைக்கு தெரிய வேண்டும்-ஐகோர்ட்டு நீதிபதி பேச்சு

மதுரை காந்தி மியூசியம் சாா்பில் 75-வது சுதந்திர தின விழா, தியாகிகள் தின விழா நடைபெற்றது. விழாவுக்கு காந்தி மியூசியத்தின் துணைத் தலைவா் ஜவஹா் பாபு தலைமை தாங்கினார். சிறப்பு விருந்தினராக மதுரை ஐகோர்ட்டு நீதிபதி ஜி.ஆா்.சுவாமிநாதன் ' நம்ம தியாகிகள் ' ஆவணப் படத்தை வெளியிட்டு சுதந்திரப்போராட்ட தியாகிகளுக்கு கதராடை அணிவித்து பேசினார். அப்போது அவர் கூறியதாவது:-

சுதந்திரப்போராட்ட காலத்தில் நீதிபதிகள், தியாகிகளுக்கு தண்டனை வழங்கி சிறைக்கு அனுப்பினா். இன்று நீதிபதியாகிய நான் உங்கள் கால்களை தொட்டு வணங்குகிறேன். தியாகிகள் காலத்தை வென்றவா்கள். மகாத்மா காந்தியின் கனவு நனவாக வேண்டும் என்றால் தியாகிகளின் வரலாறு இளைய தலைமுறைக்கு தெரிய வேண்டும். தியாகிகள் பட்ட இன்னல்கள், துயரங்கள் அவா்களுக்கு தெரிய வந்தால் தான் இளைய தலைமுறையினருக்கு மனதளவில் மாற்றம் வரும்.

இவ்வாறு அவர் பேசினார்.

இதைத்தொடா்ந்து சுதந்திரப் போராட்ட தியாகியும், மதுரை மாவட்ட முன்னாள் கலெக்டருமான லட்சுமி காந்தன் பாரதி, சா்வதேச அருங்காட்சியக தின பொது அறிவுப்போட்டியில் வெற்றி பெற்ற மாணவ, மாணவியருக்குப் பரிசுகள் வழங்கினாா். மதுரை காமராஜா் பல்கலைக்கழக துணைவேந்தா் குமாா், பல்கலைக்கழகம் சாா்பில் தியாகிகளை கவுரவித்தாா். தொல்லியல் துறை திருச்சி மண்டல இயக்குனர் அருண்ராஜ், திருச்சி தமிழ் ஆராய்ச்சி கட்டளை செயலாளர் வேலுச்சாமி ஆகியோா் வாழ்த்துரை வழங்கினர்.

முன்னதாக காந்தி மியூசியம் பொருளாளா் செந்தில்குமாா் வரவேற்றாா். அருங்காட்சியக செயலாளா் நந்தாராவ் அறிமுக உரையாற்றினாா். இதில் தியாகிகள் குடும்பத்தினா், மியூசிய பணியாளா்கள், காந்திய சா்வோதய ஆா்வலா்கள் மற்றும் பொதுமக்கள் கலந்து கொண்டனா்.