டாரஸ் லாரி-கார் நேருக்கு நேர் மோதி விபத்து - 4 பேர் படுகாயம்

ஆண்டிமடம்,

கிருஷ்ணகிரி மாவட்டம் காவிரிப்பூம்பட்டினம் அருகே கல்லுகொடப்பட்டி கிராமத்தைச் சேர்ந்தவர் ரமேஷ்(வயது37). இவர் மனைவி அம்சவேணி (35), குழந்தைகள் யாழினி (8),செழியன் (7) ஆகியோருடன் தனது காரில் கும்பகோணம் அருகே உள்ள சூரியநாராயணன் கோவிலுக்கு சென்று தரிசனம் செய்துவிட்டு மீண்டும் கிருஷ்ணகிரிக்கு திரும்பி கொண்டிருந்தனர்.

இவர்கள் வந்த கார் ஜெயங்கொண்டம்-விருத்தாச்சலம் சாலையில் கூவத்தூர் அருகே சென்று கொண்டிருந்தது. அப்போது எதிரே விருத்தாசலத்தில் இருந்து காரைக்காலுக்கு கரி சாம்பல் லோடு ஏற்றி வந்த டாரஸ் லாரிய கார் மீது ரோருக்கு நேர் மோதியது.

இந்த விபத்தில் கார் அப்பளம் போல் நொருங்கியது. இதில் காரில் இருந்த ரமேஷ், அவரது மனைவி அம்சவேணி, மகள் யாழினி, மகன் செழியன் ஆகியோர் பலத்த காயம் அடைந்தனர்.

இவர்களை அப்பகுதியினர் மீட்டு ஆம்புலன்ஸ் மூலம் சிகிச்சைக்காக ஜெயங்கொண்டம் அரசு மருத்துவமனைக்கு அனுப்பி வைத்தனர். அங்கு அவர்களுக்கு மருத்துவர்கள் தீவிர சிகிச்சை அளித்து வருகின்றனர். இந்த விபத்து குறித்து வழக்குப்பதிவு செய்த போலீசார் டாரஸ் லாரி டிரைவர் கோபி(39) என்பவரை கைது செய்து விசாரணை நடத்தி வருகின்றனர்.