தமிழ் புலிகள் கட்சியினர் ஆர்ப்பாட்டம்

எட்டயபுரம்:

விளாத்திகுளம் அருகே உள்ள புதூரில் தமிழ் புலிகள் கட்சி சார்பில் கண்டன ஆர்ப்பாட்டம் நடந்தது. தெற்கு மாவட்ட செயலாளர் தாஸ் தலைமை தாங்கினார். விளாத்திகுளம் தொகுதி ஒன்றிய செயலாளர் கணேசன் மற்றும் நிர்வாகிகள் கலந்து கொண்டனர்.

சின்னவநாயக்கன்பட்டி பகுதி அருந்ததியினர் மக்களுக்கு அடிப்படை வசதிகள் செய்து கொடுக்க வேண்டும். சங்கரலிங்கபுரத்தில் மர்மமான முறையில் இறந்த கிருஷ்ணவேணி மரணத்திற்கு சி.பி.ஐ. விசாரணைக்கு உத்தரவிட வேண்டும் என்பன உள்பட பல்வேறு கோரிக்கைகளை வலியுறுத்தி இந்த ஆர்ப்பாட்டம் நடந்தது.