தமிழகத்தில் பிளஸ் 2 தேர்வு முடிவுகள் வெளியானது - விருதுநகர் மாவட்டம் முதலிடம் - முழு விவரம்

பிளஸ் 2 தேர்வு 2023 - மாவட்ட வாரியாக தேர்ச்சி விகிதம்...!

சென்னை, பிளஸ்-2 பொதுத்தேர்வு முடிவுகளை பள்ளிக்கல்வித்துறை அமைச்சர் அன்பில் மகேஷ் பொய்யாமொழி, சென்னை கோட்டூர்புரம் அண்ணா நூற்றாண்டு நூலக வளாகத்தில் இன்று வெளியிட்டார். தமிழகத்தில் பிளஸ்-2 பொதுத்தேர்வில் 94.03% பேர் தேர்ச்சி பெற்றுள்ளனர். அதிகளவில் தேர்ச்சி பெற்ற மாவட்டங்களில் விருதுநகர் முதலிடம் பெற்றுள்ளது.

பிளஸ் 2 மறு கூட்டலுக்கு விண்ணப்பம் செய்பவரா? நீங்கள்...!

"விடைத்தாள் நகல் மற்றும் மறு கூட்டலுக்கு வரும் நாளை (மே 9) காலை 11 மணி முதல் 13ம் தேதி மாலை 5 மணி வரை விண்ணப்பிக்கலாம் என அரசு தேர்வுகள்துறை அறிவித்துள்ளது.

தமிழ்நாட்டில் தொடர்ந்து அதிகரிக்கும் பிளஸ் 2 தேர்ச்சி சதவீதம்!

தமிழ்நாட்டில் கடந்த 5 ஆண்டுகளில் பிளஸ் 2 பொதுத்தேர்வில் தேர்ச்சி அடையும் மாணவர்களின் எண்ணிக்கை அதிகரித்துள்ளது.

➤2019-ல் 91.30% 2020-ல் 92.34% 2022-ல் 93.80%, 2023-ல் 94.03% பேர் தேர்ச்சி பெற்றுள்ளனர்.

➤ கொரோனா தொற்றால் 2021-ல் மட்டும் 100% மாணவர்கள் தேர்ச்சி அடைந்துள்ளனர்.

ஆண்கள் பள்ளிகளின் தேர்ச்சி விகிதம்

➤ பிளஸ் 2 பொதுத்தேர்வில் ஆண்கள் பள்ளிகளில் 87.79% பேர் தேர்ச்சி பெற்றுள்ளனர்.

பிளஸ் -2 தேர்வில் கலக்கிய சிறைவாசிகள்!

➤ பிளஸ் 2 தேர்வில் சிறைவாசிகள் 90 பேர் தேர்வெழுதிய நிலையில் 79 பேர் தேர்ச்சி பெற்றுள்ளனர்.

பிளஸ் 2 தேர்வு முடிவுகள் 2023: தேர்ச்சி விகிதம் - அரசு Vs தனியார் பள்ளிகள்

பிளஸ் 2 பொதுத்தேர்வில் 326 அரசு மேல்நிலை பள்ளிகளில் 100% தேர்ச்சி சதவீதத்தை பெற்று அசத்தி உள்ளது.

➤2,767 மேல்நிலைப்பள்ளிகள் 100% தேர்ச்சி பெற்றுள்ளன.

➤ அரசு பள்ளிகள் - 89.80%

➤ அரசு உதவி பெறும் பள்ளிகள் - 95.99%

➤ தனியார் பள்ளிகள் - 99.08%