தமிழ் இலக்கிய விழா

வாசுதேவநல்லூர்:

வாசுதேவநல்லூர் எஸ்.தங்கப்பழம் வேளாண்மை கல்லூரியில் தமிழ் இலக்கிய விழா நடைபெற்றது. கல்வி குழும தாளாளர் எஸ்.தங்கப்பழம், செயலாளர் எஸ்.டி.முருகேசன் ஆகியோர் முன்னிலை வகித்தனர். கல்லூரி முதல்வர் ராமலிங்கம் வரவேற்று பேசினார். மாணவ-மாணவிகள் பெற்றோரை போற்றுவோம் என்ற தலைப்பில் பேசினார்கள்.

சிறப்பு அழைப்பாளராக டெல்லி உச்சநீதிமன்ற நீதிபதி வெ.ராமசுப்பிரமணியன் கலந்து கொண்டு, மரக்கன்று நட்டி பேசினார்.

இதில் மூத்த வக்கீல்கள் மீனாட்சி சுந்தரம், கனகசபாபதி, முன்னாள் எம்.எல்.ஏ. வெங்கட்ரமணா, தேனி கலாபாண்டியன் கல்வி நிறுவனர் பால்பாண்டியன், ஈரோடு சட்டக்கல்லூரி தலைவர் சிந்து ரவிச்சந்திரன் ஆகியோர் கலந்து கொண்டு பேசினார்கள். கவிதை மற்றும் கட்டுரை போட்டிகளில் வெற்றி பெற்ற மாணவ-மாணவிகளுக்கு பரிசுகள் வழங்கப்பட்டது. முடிவில், உதவி பேராசிரியர் பாண்டித்துரை நன்றி கூறினார்.