சிறுநாடார்குடியிருப்பு பள்ளி தலைமை ஆசிரியைக்கு பாராட்டு விழா

உடன்குடி:

தமிழ்நாடு அரசின் டாக்டர் ராதாகிருஷ்ணன் நல்லாசிரியர் விருது பெற்ற சிறுநாடார் குடியிருப்பு ஆர்.எம்.வீ நடுநிலைப்பள்ளி தலைமை ஆசிரியை பர்வதாதேவிக்கு ஊர்பொதுமக்கள் மற்றும் சென்னை வாழ் சிறுநாடார்குடியிருப்பு இந்து நாடார்கள் உறவின்முறை சங்கம் சார்பில் திருமண மண்டபத்தில் பாராட்டு விழா நடந்தது. விழாவிற்கு ஓய்வு பெற்ற பொதுப்பணித்துறை பொறியாளர் குணபாலன் தலைமை தாங்கினார். விருதுபெற்ற தலைமை ஆசிரியை பாராட்டி நினைவு பரிசு வழங்கப்பட்டது. இவ்விழாவில் உடன்குடி வட்டார கல்வி அலுவலர் ஜெயவதி ரத்னாவதி, பள்ளி செயலர் ராஜன், பள்ளி முன்னாள் செயலர் கணேசன், சிறுநாடார் குடியிருப்பு ஊராட்சி தலைவர் கமலம், வெங்கட்ட ராமானுஜபுரம் ஊராட்சி தலைவர் பாலசரஸ்வதி துனைத்தலைவர் ராஜகுமார், லட்சுமிபுரம் தலைவர் ஆதிலிங்கம், குலசேகரன்பட்டினம் பி.எஸ்.எம். பள்ளி தலைமை ஆசிரியர் சுபாஷ் சந்திர போஸ் மற்றும் பொதுமக்கள், முன்னாள் மாணவர்கள், அரசியல் கட்சி பிரமுகர்கள் பலர் கலந்து கொண்டனர். பழைய மாணவர் சங்க ஒருங்கிணைப்பாளர் சுபாஷ் சந்திரபோஸ் நன்றி கூறினார்.