ரூ.5 லட்சம் மதிப்புள்ள புத்தகங்கள் வழங்கல்

தேவகோட்டை

தேவகோட்டை, கண்ணங்குடி ஒன்றிய அரசு பள்ளிகளில் உள்ள நூலகங்களுக்கு புத்தகம் வழங்கும் விழா தேவகோட்டை ஒன்றியம் டி.நாகனி அரசு நடுநிலை பள்ளியில் நடைபெற்றது. மாவட்ட முதன்மை கல்வி அலுவலர் சுவாமிநாதன் தலைமை தாங்கினார். தேவகோட்டை கல்வி மாவட்ட தொடக்க கல்வி அலுவலர் சந்திரகுமார், வட்டார கல்வி அலுவலர்கள் லெட்சுமி தேவி, மாலதி கலந்துகொண்டனர். மாவட்ட கவுன்சிலர் நாகனி செந்தில்குமார் மாணவர்களுக்கு கல்வி உபகரணங்கள் வழங்கினார். பள்ளி தலைமையாசிரியர் (பொறுப்பு) வடிவேலு வரவேற்று பேசினார். டாக்டர் சிவக்குமார் அரசு பள்ளிகளுக்கு ரூ.5 லட்சம் மதிப்புள்ள புத்தகங்களை வழங்கி பேசினார். இதையொட்டி மாணவர்களின் கலை நிகழ்ச்சிகள் நடைபெற்றன.