கோடைகால இஸ்லாமிய பயிற்சி வகுப்பு

தூத்துக்குடி லூர்தம்மாள்புரம் மஸ்ஜித் ரகுமான் மதரசாவில் கோடைகால இஸ்லாமிய பயிற்சி வகுப்பு நடந்தது. பயிற்சியில் தொழுகை பாடங்கள் நடத்தப்பட்டன. பயிற்சியில் 80-க்கும் மேற்பட்ட சிறுவர், சிறுமிகள் கலந்து கொண்டு பயிற்சி பெற்றனர். ஆலிமாக்கள் (ஆசிரியர்கள் சையத் அலி பாத்திமா, சஜீனா, அஸ்மி ஆகியோர் பயிற்சி அளித்தனர். பயிற்சி தேர்வில் 3 இடங்களை பிடித்த மாணவ, மாணவிகளுக்கும், முழுமையாக பயிற்சி வகுப்பில் கலந்து கொண்ட மாணவ, மாணவிகளுக்கு பரிசுகளும், சான்றிதழ்களும் வழங்கப்பட்டன. பயிற்சி அளித்த ஆலிமாவுக்கு பரிசுகளும், கேடயமும் வழங்கப்பட்டன. அகமது ஹசன் அலி சாலிஹ் மார்க்க சொற்பொழிவு நிகழ்த்தினார். முடிவில் பள்ளிவாசல் தலைவர் அகமது இக்பால் பரிசு வழங்கி பாராட்டினார். நிகழ்ச்சியில் பள்ளிவாசல் நிர்வாகிகள் சுலைமான், நவாஸ் பள்ளி இமாம் அத்ஹர், யஹ்யா, சேக்மைதீன் மற்றும் மாணவ, மாணவிகள், பெற்றோர் கலந்து கொண்டனர்.