வெவ்வேறு இடங்களில் 2 பேர் தற்கொலை

ஊத்தங்கரை:

ஊத்தங்கரை அருகே உள்ள கெங்கிநாயக்கன்பட்டியை சேர்ந்தவர் தேசிங்குராஜ் (வயது 46). கட்டிட தொழிலாளி. இவர் கடந்த ஒரு ஆண்டுக்கு முன்பு வேலை செய்து கொண்டிருந்தபோது முதல் தளத்தில் இருந்து தவறி விழுந்தார். இதில் பலத்த காயம் அடைந்த அவர் பல்வேறு மருத்துவமனைகளில் சிகிச்சை பெற்றார். ஆனாலும் குணமடையவில்லை. இதனால் மனமுடைந்த தேசிங்குராஜ் விஷம் குடித்து தற்கொலை செய்து கொண்டார். இதுகுறித்து ஊத்தங்கரை போலீசார் விசாரணை நடத்தி வருகின்றனர்.

சிங்காரப்பேட்டை அருகே உள்ள குப்பநத்தம் பகுதியை சேர்ந்தவர் கோவிந்தன் (69). கூலித்தொழிலாளி. உடல் நலக்குறைவால் அவதிப்பட்ட அவர் சிகிச்சை பெற்றும் குணமடையவில்லை. இதனால் மனமுடைந்த அவர் விஷம் குடித்தார். அவரை உறவினர்கள் மீட்டு சிகிச்சைக்காக ஊத்தங்கரை அரசு ஆஸ்பத்திரியில் சேர்த்தனர். அங்கு சிகிச்சை பலனின்றி கோவிந்தன் இறந்தார். இதுகுறித்து சிங்காரப்பேட்டை போலீசார் விசாரணை நடத்தி வருகிறார்கள்.