திடீர் மழை; பொதுமக்கள் மகிழ்ச்சி

நன்னிலம்:

நன்னிலம் மற்றும் அதன் சுற்றுவட்டார பகுதிகளில் ஒரு வாரமாக வெயிலின் தாக்கம் கடுமையாக இருந்து வந்தது. இதனால் பொதுமக்கள் பகல் நேரத்தில் வெளியில் செல்வதை தவிர்த்து வந்தனர். இந்த நிலையில் நேற்று மதியம் 2 மணி அளவில் நன்னிலம், அச்சுதமங்கலம், ஆண்டிப்பந்தல், கங்களாஞ்சேரி உள்ளிட்ட இடங்களிலும் அரை மணி நேரம் மழை பெய்தது. இதனால் பொதுமக்கள் மகிழ்ச்சி அடைந்தனர். இதுகுறித்து பருத்தி விவசாயி ஒருவர் கூறுகையில், தற்போது பருத்திக்கு தண்ணீர் தேவை . இந்த மழை எங்களுக்கு மிகவும் உபயோகமாக இருக்கும். இதனால் எங்களுக்கு செலவு மிச்சமாகி உள்ளது என கூறினார்.