சாதனை படைத்த மாணவர்கள்

கடையநல்லூர் வட்டார அளவிலான ஹேண்ட்பால் போட்டிகள், வடகரை ஜாய் மெட்ரிக் மேல்நிலைப்பள்ளியில் நடந்தது. இதில் பல்வேறு பள்ளி மாணவ-மாணவிகள் பங்கேற்றனர். பள்ளி தாளாளரும், மாவட்ட ஹேண்ட்பால் சங்க தலைவருமான சாலமோன், பள்ளி முதல்வர் ஜோதி, பெற்றோர் ஆசிரியர் சங்க தலைவர் பண்பொழி மீரான் மைதீன் ஆகியோர் போட்டிகளை தொடங்கி வைத்தனர்.

ஜூனியர், சீனியர், சூப்பர் சீனியர் ஆகிய 3 பிரிவுகளாக போட்டிகள் நடைபெற்றது. இதில் ஜாய் மெட்ரிக் மேல்நிலைப்பள்ளி மாணவர்கள் ஜூனியர் ஆண்கள், பெண்கள் பிரிவிலும், சூப்பர் சீனியர் ஆண்கள், பெண்கள் பிரிவிலும், சீனியர் ஆண்கள் பிரிவிலும் வென்றனர். வெற்றி பெற்ற மாணவ-மாணவிகள், பயிற்சி அளித்த உடற்கல்வி ஆசிரியர் ரமேஷ் ஆகியோரை பள்ளி நிர்வாகத்தினர், பெற்றோர் ஆசிரியர் சங்கத்தினர், ஆசிரியர்கள் பாராட்டினர்.