அரிசி ஆலை உரிமையாளர்கள் சங்க மாநில சம்மேளன பொதுக்குழு கூட்டம்

பாவூர்சத்திரம்:

அரிசி ஆலை உரிமையாளர்கள் சங்க மாநில சம்மேளன பொதுக்குழு கூட்டம் தென்காசி ஸ்ரீ சாரதாம்பா கிராண்ட் திருமண மண்டபத்தில் வருகிற 11-ந் தேதி (ஞாயிற்றுக்கிழமை) நடைபெற உள்ளது. மாநில சம்மேளன தலைவர் மற்றும் செயலாளர் முன்னிலையில் தென்காசி மாவட்ட கலெக்டர் துரை ரவிச்சந்திரன் கலந்து கொண்டு அரிசி ஆலை எந்திரங்கள் கண்காட்சியினை தொடங்கி வைக்கிறார். அதனைத் தொடர்ந்து 10.30 மணிக்கு பொதுக்குழு கூட்டம் நடக்கிறது. இதில் தமிழ்நாட்டில் உள்ள அனைத்து மாவட்ட, தாலுகா சங்க தலைவர், செயலாளர் மற்றும் நிர்வாகிகள் கலந்து கொள்கிறார்கள்.

இந்த தகவலை நெல்லை, தென்காசி மாவட்ட அரிசி ஆலை உரிமையாளர்கள் மற்றும் நெல் அரிசி வியாபாரிகள் சங்க தலைவர் சி.அன்பழகன் தெரிவித்துள்ளார்.