விளையாட்டு விழா

பழைய குற்றாலம் ஹில்டன் மெட்ரிக் மேல்நிலைப்பள்ளியில் 34-வது விளையாட்டு விழா நடைபெற்றது. தென்காசி மாவட்ட போலீஸ் சூப்பிரண்டு சாம்சன், இந்திய மருத்துவ சங்க குற்றாலம் கிளை ஆலோசகர் டாக்டர் செய்யது சுலைமான் ஆகியோர் கலந்து கொண்டனர். பள்ளியின் தாளாளர் ஆர்.ஜே.வி.பெல் தலைமை தாங்கினார். செயலாளர் கிரேஸ் கஸ்தூரிபெல் முன்னிலை வகித்தார். பள்ளி முதல்வர் அலெக்சாண்டர் பிரார்த்தனை செய்தார். பள்ளியில் கொடியேற்றப்பட்டு, மாணவர்களின் அணிவகுப்பு நடைபெற்றது. போட்டிகளில் வெற்றி பெற்று முதலிடம் பிடித்த மாணவர்கள் ஒலிம்பிக் தீபம் ஏற்றினர். மாணவ சங்க தலைவி அபிராமி உறுதிமொழி கூறினார். துணை தலைவி பிதா சல்மா வரவேற்று பேசினார். பல்வேறு விளையாட்டு போட்டிகளில் வெற்றி பெற்ற மாணவர்களுக்கு பரிசுகள் வழங்கப்பட்டன. நிகழ்ச்சியில் தலைமை ஆசிரியர் ஜஸ்டின் இளங்கோ மற்றும் பெற்றோர் உள்பட பலர் கலந்து கொண்டனர்.

தொடர்ந்து பள்ளியின் 34-வது பெற்றோர் தின விழா நடைபெற்றது. சிறப்பு அழைப்பாளர்களாக மாவட்ட வனத்துறை அலுவலர் முருகன், குற்றாலம் பராசக்தி கல்லூரி முதல்வர் ஜெய்நிலா சுந்தரி ஆகியோர் கலந்து கொண்டனர். பள்ளி இயக்குனர் டாக்டர் ராம்ப்டன் ரெத்தினபெல் தொடக்க உரையாற்றினார். ஆண்டறிக்கையை பள்ளி முதல்வர் அலெக்சாண்டர் வாசித்தார். மாணவர்களின் கலை நிகழ்ச்சிகள் நடைபெற்றது. இதில் பலர் கலந்து கொண்டனர்.