மாற்றுத்திறனாளிகளுக்கான சிறப்பு முகாம்

ஆலங்குளம்:

ஆலங்குளம் யூனியன் அலுவலக வளாகத்தில் மாற்றுத்திறனாளிகளுக்கான சிறப்பு முகாம் நடைபெற்றது. முகாமிற்கு யூனியன் தலைவர் திவ்யா மணிகண்டன் தலைமை தாங்கினார். மாவட்ட மாற்றுத்திறனாளிகள் நல அலுவலர் ஜெயபிரகாஷ், வட்டார வளர்ச்சி அலுவலர் பார்த்தசாரதி ஆகியோர் முன்னிலை வகித்தனர்.

முகாமில் மாற்றுத்திறனாளிகளுக்கு இலவச பஸ்பாஸ், ரெயில் பாஸ், புதிய அடையாள அட்டை, அடையாள அட்டை புதுப்பித்தல், உதவித்தொகை விண்ணப்பம், தேசிய அடையாள அட்டை ஆகிய சேவைகள் வழங்கப்பட்டன. மேலும் உதவி உபகரணங்கள், காது கேட்கும் கருவி ஆகியவையும் வழங்கப்பட்டன. முகாமில் 325 மாற்றுத்திறனாளிகள் கலந்துகொண்டு பயன் அடைந்தனர்.