மோட்டார் சைக்கிளுக்கு தீ வைப்பு

சேரன்மாதேவி:

வீரவநல்லூர் பாரதிநகரைச் சேர்ந்தவர் அப்துல் காதர் ஜெயிலானி (வயது 33). இவருக்கும், சேரன்மாதேவி சுண்ணாம்பு கல் தெருவை சேர்ந்த சேர்மதுரை (27) என்பவருக்கும் முன்விரோதம் இருந்து வந்துள்ளது. இதனை மனதில் வைத்துக் கொண்டு சேர்மதுரை நேற்று அப்துல் காதர் ஜெயிலானி வீட்டின் முன்பு நிறுத்தி வைக்கப்பட்டிருந்த மோட்டார் சைக்கிளுக்கு தீ வைத்து சேதப்படுத்தினார். இதுகுறித்து அப்துல் காதர் ஜெயிலானி புகார் அளிப்பதற்காக அதே பகுதியைச் சேர்ந்த ஜமால் முகமது அலி என்பவரின் காரில் சென்ற போது, காரின் பின்பக்க கண்ணாடியை சேர்மதுரை உடைத்து சேதப்படுத்தியுள்ளார். இதுகுறித்த புகாரின் பேரில் வீரவநல்லூர் போலீஸ் இன்ஸ்பெக்டர் பவுலோஸ் வழக்குப்பதிவு செய்து சேர்மதுரையை கைது செய்தார்.