பெண்ணுக்கு அரிவாள் வெட்டு

களக்காடு:

களக்காடு அருகே ராமகிருஷ்ணாபுரத்தைச் சேர்ந்தவர் தவசிக்கனி. கூலி தொழிலாளியான இவருக்கும், களக்காடு பகுதியைச் சேர்ந்த விதவை பெண்ணுக்கும் பணம் கொடுக்கல்-வாங்கல் தொடர்பாக பழக்கம் ஏற்பட்டது. சம்பவத்தன்று தவசிக்கனி, அந்த பெண்ணின் வீட்டுக்குள் அத்துமீறி நுழைந்து, அவரிடம் தவறாக நடக்க முயன்றதாக கூறப்படுகிறது.

இதனை கண்டித்த அந்த பெண்ணை தவசிக்கனி அரிவாளால் வெட்டி விட்டு தப்பி ஓடி விட்டார். இதில் படுகாயமடைந்த பெண்ணை அக்கம்பக்கத்தினர் மீட்டு சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரியில் அனுமதித்தனர். அங்கு அவருக்கு தீவிர சிகிச்சை அளிக்கப்படுகிறது. இதுகுறித்த புகாரின்பேரில், களக்காடு போலீசார் வழக்குப்பதிவு செய்து, தலைமறைவான தவசிக்கனியை வலைவீசி தேடி வருகின்றனர்.