பள்ளி ஆண்டு விழா

ஆறுமுகநேரி:

ஆறுமுகநேரி பூவரசூர் அன்னம்மாள் மெட்ரிகுலேஷன் பள்ளியில் 29-வது ஆண்டு விழா நடைபெற்றது. ஆறுமுகநேரி பாஸ்ட்ரேட் சேர்மன், டி.என்.டி.டி.ஏ. பள்ளிகளின் தாளாளருமான சுதாகர் தலைமை தாங்கினார். இ.சி.ஐ. அந்தோணி அய்யர், தொழிலதிபர் சித்திரபாண்டி ஆகியோர் முன்னிலை வகித்தனர். சிறப்பு விருந்தினராக காயல்பட்டினம் வாவு வஜிஹா பெண்கள் கல்லூரி முதல்வர் ரமா, அன்னம்மாள் மெட்ரிக் பள்ளி முன்னாள் மாணவி டாக்டர் மீனாபிரியா ஆகியோர் கலந்து கொண்டு பேசினார்கள்.

மூலக்கரை ஆர்.கே.நாராயணன் பண்ணையார், ஆறுமுகநேரி நகர்நல மன்ற தலைவர் பூபால் ராஜன், பெற்றோர் ஆசிரியர் சங்க உறுப்பினர்கள் அருணா தேவி, விமலா சரோஜினி, ஆகியோர் கலந்து கொண்டனர். கடந்த ஆண்டு நடைபெற்ற 10-ம் வகுப்பு அரசு தேர்வில் முதலிடம் பெற்ற ரம்யாவுக்கு தங்க மோதிரமும், 2-ம் இடம் பிடித்த இலக்கியா, அஜிஷா, ஜோஸ்லின் ஆகியோருக்கு வெள்ளி டம்ளர்களும் பரிசாக வழங்கப்பட்டது. முடிவில் பள்ளி கல்வி குழு உறுப்பினர் அட்லி சாம் நன்றி கூறினார்.